不經不覺原來我無上xanga成半年。個段時間沉迷左係facebook既世界入面~ 但係尋晚突然間想睇番以前既野既時候，發現好難係facebook搵番以前既野~ 然後就覺得xanga既好啦。

豬流感都可算係最近既熱門新聞之一啦。尋日St. Paul 爆左第一單本地個案之後，今日曾先生就話小學幼稚園停課十四日啦~ 學生就當然可以提早放下暑假啦~ 而其實老師都一樣~ 事實上佢地每年都有暑假放架啦~ 今次都只係提早左放，之後要係暑假度扣番~ 一直以來都相安無事~

今次又有人話d老師無啦啦有十四日假放好爽~ d老師又忍唔住出黎講話佢地唔駛上堂個陣有幾百萬樣野做，仲忙過要上堂之類~ 我心諗，係咪啊？你地平時教書上堂都用左唔少時間架喎，咁呢十四日你地唔駛上堂，咪多左時間做其他工作上既野囉。點都著數左掛？！不如話個停課打亂左你地既暑假旅行大計啦！哈哈哈！巴之閉~~~